ரூ.100 கோடி வரிஏய்ப்பு : சோனியா, ராகுலுக்கு சுப்ரீம் கோர்ட் உத்தரவு .

ரூ.100 கோடி வரிஏய்ப்பு : சோனியா, ராகுலுக்கு சுப்ரீம் கோர்ட் உத்தரவு

https://www.dinamalar.com/news_detail.asp?id=2187863

.

ரூ.100 கோடி வரிஏய்ப்பு : சோனியா, ராகுலுக்கு சுப்ரீம் கோர்ட் உத்தரவு
.

2011 - 2012 ம் நிதியாண்டில் அசோசியேட்டட் ஜோர்னல்ஸ் லிமிடெட் நிறுவனத்தின் மூலம் சோனியா ரூ.155.41 கோடியும், ராகுல் ரூ.154.96 கோடியும் வருமானம் ஈட்டி உள்ளனர். ஆனால் வருமான வரிதாக்கலில் ரூ.68.12 லட்சம் மட்டுமே வருமானம் பெற்றதாக கணக்கு காட்டி உள்ளனர். இதே போன்று காங்., கட்சியின் ஆஸ்கார் பெர்னாண்டசும் தனது ரூ.48.93 கோடி சொத்து மதிப்பை குறைத்து காட்டி வரிஏய்ப்பு செய்ததாக வருமான வரித்துறை கண்டுபிடித்துள்ளது.

இவர்களின் சொத்து கணக்கை மறுமதிப்பீடு செய்த போது சோனியா குடும்பத்தினர் ரூ.300 க்கும் அதிகமான வருமானத்தை மறைத்து ரூ.100 கோடி அளவிற்கு வரிஏய்ப்பு செய்துள்ளது தெரிய வந்தது. இது தொடர்பாக வருமான வரித்துறை அனுப்பிய நோட்டீசை எதிர்த்து சுப்ரீம் கோர்ட்டில் வழக்கு தொடரப்பட்டது. இதில் சோனியா குடும்பத்திற்காக வாதாடிய முன்னாள் மத்திய அமைச்சர் ப.சிதம்பரம், அந்த நிறுவனம் ரூ.90 கோடி கடனில் உள்ளதாகவும், வருமான வரித்துறையினர் அதனை மறைத்து ரூ.407 கோடி சொத்து இருப்பதாக கூறுவதாகவும் கூறினார்.

இருதரப்பு வாதங்களையும் கேட்ட சுப்ரீம் கோர்ட், ஒரு வாரத்திற்குள் பிரமான பத்திரம் தாக்கல் செய்ய சோனியா குடும்பத்திற்கும், வருமான வரித்துறைக்கும் உத்தரவிட்டுள்ளது. தொடர்ந்து இவ்வழக்கின் விசாரணை ஜனவரி 29 க்கும் ஒத்திவைக்கப்பட்டுள்ளது.